看！多孝順！
每年清明節，一個家族拉大隊回鄉掃墓．
一行幾十人，在深圳買了四隻燒豬，其餘用品在鄉間由其他兄弟購買，駕駛五駕車回鄉，其實目的在於聯絡感情，吹吹水，正是平時不見面，有野留番拜山講．
兄弟間沿途有傾有笑，盡訴一年的近況．到鄉後，再加上鄉間的叔伯兄弟及祭品，一行人浩浩蕩蕩的向墓地出發，由於現在的路已經做得好好，駛車幾乎可以直達墓地，第一站，到步後，把所有必須品搬下車，走幾十步便到，点香燭，燒冥強，燃放爆竹，功夫做完，把東西搬走，才有人找燒豬．
咦！豬呢！
乜頭先唔係你搬咩？
我無噃！你負責吖嘛！
乜我呀，ｄ豬又唔係在我架車，在你架車吖嘛，硬係你搬啦！
但係我要搬好多野噃！你咁得閒，点解你唔搬呀?
喂！我要抱仔噃！
咁即是仲係車上啦！
係佢地自已（燒豬）唔識行之嘛！我地個個地都係自已行架啦！(佢地識行，你地便知驚！）
一輪推卸責任後，唯有請這一位祖先去其他祖先處食燒豬啦，大家一家人，無計既！
哈哈！看這一班孝子賢孫，多有心！
(0)