我原本讀緊個間ELC,好地地,一日,突然間執左.,做人忽然冇咗方向.幸好平日剩下大量的功夫未做,執下屋,找下數,都好忙,不至於日日無所事事.

平日學校大約有多少老師,我不很清楚.但現在各自埋堆,各自攪學校,大家都招攬學生.今日一班同學一同上去一間中心,它是做開語言學校,但英語只佔5%,現在見到一塊大肚肉跌在路邊,當然想分一杯羮.

原來的部份老師,原來的地址(只有旺角,另加銅鑼灣),學費差不多,但不用交一年學費,(只交三锢月),可每天上課,每天只上一個section的,每月$550.每天三個sections任上的,每月$900.是但啦!報就報啦!好過日日行街,分分鐘一日都唔只用$900.

所謂同行如敵國,有些話在ELC 的舊生可有一個月免費試讀,有些甚至有六個月免費試讀,邊有咁着數,個個都怕有陷阱,都不願去試,都係自費讀書隱陣D.

其實ELC對學生來說的確是一間好學校,只不過擴充太快,(當中當然有些遺規的事)老板又冇管理經驗,一旦政府唔批”持續進修基金”,便立即死亡.

我算好彩,只剩一個月未讀完,(這個月是送的),輸少當贏.有些同學交了幾年學費的,就很難追了.

'

自從冇咗間公司,生活比從前更忙,上午做完瑜伽之後,做一個fulltime student,点知一個唔小心扭傷了腰骨，醫極都唔好，做埋fulltime patient.個病歷一匹布咁長．

九個月内，中西醫共看了大約十二個，物理治療師四，五個，問題發現越來越多，由普通科至骨科，麻醉科，及痛症科，跌打，推拿，針灸，投罐，自然療法都睇勻，我覺得個天簡直是要亡我，如果唔係，点會不停有新問題發現．

一直都好聽話：

”要做pilates呀”，　　　　　　　”好！做pilates”

”要游水呀”，　　　　　　　　　”好，日日去游水．”（我至憎游水）

”一定要自由式呀！蛙式唔得架！　”好！自由式．”（但我唔曉噃，去學囉！）

”唔好玩瑜伽住啦”，　　　　　　”好！唔玩瑜伽．”（至傪呢樣，因瑜咖是我至愛，由一星期廿多三十小時練習，減至只餘一堂，因我跟這位老師三年多，從沒缺課，一定要繼續．）　　　　　　　　　　　　　　　　　

”教都唔得！”，　　　　　　　　”好，教都唔教．”（咁揾誰替我呢！）

”咁耐都唔好，我有理由相信瑜伽對你唔好，一定要全部停止）”

　　　　　　　　　　　　　　　　”好，全部停止”

”記得食葯呀”　　　　　　　”唔，要較alarm clock食葯”（最高紀錄一天食八次，

　　　　　　　　　　　　　　每三小時一次，半夜都要起身食．）

”臨睡前要做運動呀！”　　　　　　”好”

”睡醒要做運動呀！”　　　　　　　”好”

咁聽話有冇用呢？答案是：冇．一路醫，一路getting worse.

睇相佬話過我今年會死，難道真的是”一生都是命，半点不由人．”

紫微斗數話我三年前開始這十年內一定要死，現在已賺了．

以前唔明白會点死，會是意外嗎？看來上天自有安排．

三年多的日子，由不懂至可以去教瑜伽，不很困難，花多点時間便可以了．攞到張ｃｅｒｔ，爭取到半個可以教的機會，（因為是二個老師教一班，仲要係volunteer），好不容易教到有信心，而個partner又放棄，我可以一個人教一班，同班學生有点感情了．但竟然話唔可以教，要自己去求人替我，（因為真的是豬頭骨，真的是要人梗的），又要親口同班同學講自已唔再教佢地，真的是有点難以啟齒的．眼淚在心裡流．）

我知道一旦離開，很久都難以再教．（我以為只是很難，我仲以為有一日是可以再教的，所以我好聽話，只要忍吓！忍吓！）

我現在考慮緊是否要放棄呢！用我的時間，做我喜歡做的事，又有何不可呢？

不過，就這件事，我發現有很多人關心我，這世界還是美好的！

原來醫館/武館也是一個小社會大家庭,那裏的師兄,很多都識Tony(我老師),他們對我都很有興趣,在猜我和Tony 的關係,女醫師曾多次打探,可是我只可以說的是:Tony 只是我的老師,我們沒有其他,但是你估有沒有人相信呢?為免越描越黑,我都不再多説.

對不起老師,希望沒有引起你的不便!

睇了六次,巳經好了約七成,但是今年已沒有時間再去了,睇吓可唔可以”偶”好佢.否則就要明年至算.

主要是教我們要素食,因為肉類對人體有害;同時蔬果都也有不同的性質,都應該要識得去食.

不過今日想講的只是檸檬和西柚,每天用一個來搾汁,可以加水,但不要加糖飲用,除了可以去除體內的油份外,還可以令身體更為柔軟,對練瑜伽的人很有幫助.

或者大家都可以試吓,就算無用,都唔會有害,起碼都有維他命c吖.

我的同學聽了都說要試,仲要我講多d瑜伽飲食.但我識的不多,免得說錯害了大家,都係講少少算啦!

現在四点,聽上課的錄音,聽到就黎識背,唯有起身啦!

日間覺得很攰,但是日間都恰唔着.点解人可以咁有精神,每天兩,三小時睡眠就夠.

體重下降倒一定呃唔到呀媽(真果個),都要諗定藉口.

又唔敢見學校果個呀媽,佢仲煩過真果個.

冇工作之後,做個全職學生,生活開心,都可以說是我一生人最愉快,充實的日子,仲忙過我有工番的時候.所以連blog都冇寫.

但好景不常,現在要做個全職病人,每日來回在各醫務所及做物理治療師給的功課.

以前曽經每天要睡十至十二小時,唔通quota就用完,現在要慳d洗.

答應咗人三月份開班,到時都唔知自已好番未,係咪要先知會對方一聲呢!

睡魔点解唔來call?

第一round 完了,就腳軟,要坐低抖抖.

可能是我的面色太差,佢見到我便問我的情況,告訴他後,他說他有一位中醫生介紹給我,他是用自然療法,可以幫我調理身體,而且對痛症好有辦法.

我說:呀sir,我現在已經睇緊三個醫生,仲睇呀?

 他說:係呀!信我啦!佢幫到你架,你話我介紹黎,佢會收你平d架啦!

我說:哦!