很喜歡吃粟米，但不喜歡粟米粒加牛油
，因為怕肥，只喜歡原支烚熟的那種．
但街上賣的都不平宜，家中自已烚
又怕麻煩喎！（因為自己試過烚燶）
有朋友教我用微波爐叮，方便，快捷，
方法如下：
１．粟米２－３支ｏｒ 隨量，去
（衣），原支或折開兩，三段，（
視乎容器大小）
２．微波爐用的容器一個，要大的，
可容納２－３支粟米．
３．將粟米放入容器，加熱水浸至粟米三分一，加蓋ｏｒ 用微波爐
保鮮紙封（記得留開口），叮五
分鐘，粟米轉身，再叮五分鐘．
食得！（時間長短視乎火力）．
天寒地凍，褸住張被，食熱辣辣粟米
睇電視，嘩！享受．
小心辣親！
在十多年前（年紀大了，離不開想當年），微波爐尚未十分流行，家中新購入
了一部，便依照它的ｒｅｃｉｐｅ，泡制燉蛋．你可能會問燉蛋都得？微波爐食譜話得．
依足指示: step 1, step 2……..預備好後.放入微波爐,較啱時間,等多幾分鐘,便可有2碗香滑燉蛋吃了,(食譜是這樣說的.)在等的時候,最好就是把剛才用過的東西洗乾淨,再享用燉蛋,未洗完,己聽到”叮”一聲.
嘩!得啦!食得啦!食得啦!
未開爐己聞到蛋香,原來微波爐真係咁方便,煮食白痴都可成大厨.打開爐: 燈!燈!燈!櫈! 咪住!…….点解個碗空ο既,但爐頂有兩件圓形黃色物體,……個碗就乾淨到照得見人,發生什麼事，相信大家都估到了, 是燉蛋”原件”彈了上爐頂.我是想喊的,但忍唔住笑到肚痛,眼淚都出埋.第一次微波爐煮食便失敗了,後來再看清楚食譜,冇錯到,又冇漏到,咁究竟什麼問題呢?
後來參考其它微波爐食譜才發覺是該食譜漏了一句: 包上保鮮紙才放入微波爐.
咁我的第一次就咁就失敗了.
(0)