Blueberry

眼睛從來都不好，一生都是矇查查做人，不是近視，不是遠視，是散光．早就已經配了眼鏡，但因為不習慣，都不常戴，眼鏡如同虛設．

因為遠的景物受四方八面的光線影響，我是視而不見的．遠的東西早已習慣不去看它，只看十呎範圍以內的東西，曾多次被投設：同你打招呼都唔啋我．ｓｏｒｒｙ！我是見你唔到，並非唔啋你．　

最近發覺看書都不清楚，看報紙就只看標題，否則就依照字的輪廓去猜字，於是就決心去再配一個眼鏡，乖乖的去做四眼人仕．

驗眼後才知有二佰幾度散光，有小小遠視，驗眼師話佩服我咁都可以冇眼鏡生存到．

答：就是生存唔到，所以咪黎配眼鏡囉！

問：想睇近定睇遠？

答：兩樣都睇．

咁便要配兩個眼鏡囉．

眼鏡配回來後以為從此成為天眼通，有了雪亮的眼睛，便可事無大小都可無一遺漏，啍，仲有野想呃到我！哈！哈！世事邊有咁理想！

無錯，是可以這樣說，我是的確遠又睇到，近又睇到．一個眼鏡睇近：２呎以內，看書無得頂．想睇遠Ｄ，ｎｏ　ｗａｙ；一個睇遠：１０呎以外，清晰無比，追巴士實掂，想睇文字就一定冇得傾．兩個眼鏡各有職責，大家各如其位，互不相干．

由２呎至１０呎就不包括在兩個眼鏡範圍之內，大家都不越雷池，不多走半步，大家按本子辦事，只做自已崗位以內的事，其它的就ｙｏｕ惗you 啦,兩個都唔幫我，後來發覺不戴眼鏡睇這個範圍的東西才最清楚（即是返回去未配眼鏡前，亦解釋了点解冇眼鏡咁耐都可以）．

現在是每個距離的事物我都可以看清楚，條件是要我不停地戴眼鏡，除眼鏡，換眼鏡囉．六隻眼睛通力合作,就可覆蓋全天下了.哈哈哈………

今日看報紙，見到標題是：“丟低我一個”．一家四口去旅行，結果是三人身亡，只有一人生還．

早前說過最想聽到的，今日再說自己最不喜歡的情境，就是：只得我一個．

幾年前，天意安排，一星期有幾天是要自己吃晚飯，才驚覺一生人都未試過，吃什麼呢，幾小時怎打發呢？孤獨感從四方八面襲來，不能一個人在家，眼淚會不受控制，出街，情況更甚，怕行人唔知我做咩，最後只好找些課程上吓，聽人講吓野，轉移一吓目標，好過自己胡思亂想．

從來都是一個處事十分獨立的人，自己的事，自己決定，自己去做，不用和人相量，不用結伴同行，欲原來是一個不能自己生存的人，精神上絕對是需要依賴別人或讓人依賴．

到如今，己發掘到一些可以一個人做的事，例如：　上瑜伽課，睇碟，睇電視，吃東西（不過要吃現成買的，千萬別自己制作，要自己食哂架！）．

但都只是發掘到，未能習慣到，問題依然是：只得我一個，日子怎麼過？

看電視介紹兩對三胞胎，都十分可愛，當然帶的時候不容易，當中亦有苦有樂．

因為是三胞胎，體力和財力的付出比較多，當然也較吃力，家中經常像打仗．當然也帶來冇窮的樂趣．

記得某年在街上看到一個媽媽和女傭推着一對女嬰在行走，己覺得十分可愛，一式的衣服，一式的蝴蝶結，正注足仰償，跟着看到爸爸還抱着一個在後面跟着，更覺十分有趣，正在驚嘆：是三胞胎！三胞胎！的同時，看見公公在後面，手上還抱着一個，口中說着：是四胞胎才對．嘩！四胞胎，我以為是動物世界才有（ｓｏｒｒｙ，我冇貶意）竟然在現實世界也可以看見，對於我來説可算是奇景，試想想四個寶貝排排坐，場面幾咁可愛，壯觀．

看見父母及公公滿足的笑容，都知道是樂趣冇窮，但看到出街都好似一隊兵，及唔識笑的女傭就明白到背後的工夫不少．試想想四個一齊哭的時候，四重奏交响樂，唉！吾不欲觀之矣．

朋友Ｍ小姐兩夫婦每年都和朋友往泰國旅行，由於經常去的關係，游水，打魚，按摩，睇人妖．．．等等都玩過，發覺己經冇咩新意，想發掘吓有什麼新玩意，有人建議浸温泉，不過是要裸着身子浸的．大家在互相挑戰膽量的同時亦要不失面子，大家唯有都硬着頭皮參加．

到了目的地後發覺幸好是男女分開浸的，太太們都放開自己的丈夫，（心中慶幸不用面對朋友的丈夫，）各自享受．入到場後每人獲分派１０”乘１８”的毛巾一條．哦！原來不是全裸的，可以有毛巾遮遮，咁都冇咁驚，至於如何使用毛巾才可以發揮最佳效用，就要運用一吓你的小宇宙，自己惗惗啦．

你可以將毛巾打橫遮１）上圍，２）或下圍，３）或面孔；４）又可將毛巾打直，企圖將上下兩圍都遮着．其實無論用什麼方法你都會發覺毛巾是不夠大的，有前就冇後，有上就冇下．咁大家就各式其式地用手按着毛巾（最多人用的是方法４，因為坐在池內不動的話，是勉強可以騙倒自己以為己經遮好的，後面自己見唔到，管他呢！）扮神態自若地談笑風生．

一段短時間後，大家都開始適應，池水的温熱也使人鬆弛下來，冇咁拘緊．朋友Ｗ小姐可能有說話想和Ｍ小姐說，她站起來，想橫過水池走向Ｍ小姐，那知她一不留神滑倒，頭便撞向池邊，跟着便失去知覺，額頭開了花，人更向下沉，Ｍ小姐見Ｗ小姐倒下，便身手敏捷地跑向她，把她的頭托出水面．幸好池水不深．別忘了她只有一隻手可用，另一隻手還需按着毛巾（其實咁大動作，有冇毛巾分別都不大，只是自己較安心吧了），其他人也跟着走向池中幫忙抬起Ｗ小姐離開水池走向急救室，有一人便走向男子温泉那邊去找W小姐的丈夫，其間情況非常混亂又狼狽，要知道Ｗ小姐是冇着衫的，全身光禿禿，滑不留手，完全冇着力点，現場只有女性，各人又只得一隻手可用，平時用四位女士可抬起的一個人，現在六個人都抬不起，幸好場內熱心人士不少，七手八腳地，一輪急救後，W小姐總算甦醒過來，只是頭上起了高樓，掛了彩，沒有大礙．

Ｗ小姐醒過來後向各人道謝，還問了一句：請問我暈了期間，有冇人用毛巾給我遮遮呢？

答：我們每人只得一條，你那條在你跌倒時己不知所踪，大家又忙於抬你去急救，唔知你會唔會咩．．？傢嘛？你知啦，每人得一隻手，妳又死咁重，我地都唔知做得邊樣好，所以．．．．．

Ｗ小姐：咁即喺話，由水池到急救室，有Ｎ咁多人見到我．．．．．啦！喺嘛！

各人提議第二天再去過，因為未浸夠，Ｗ小姐就梗係打死都唔肯再去啦！

電視上看到一個媽媽帶着一對有問題的兒子，一個弱能，一個弱智，為了照顧他們，身心受到全面的催殘，早已疲憊不堪，因為尚且年青，體能尚可應付，內心亦早已練成銅牆鐵壁，對外間的世態炎涼亦能處之態然，咬緊牙關撐落去，但依然記掛着自己不要早死，否則兒子沒人照顧．

片段中沒有提到爸爸，ｏｒ是我　ｍｉｓｓｅｄ咗，我希望是他已經死去，否則是離他們而去的話就真的是太沒良心，亦都太狠心了，誰人不喜歡聰明靈俐的兒女，但有時天意弄人，天不從人願時，都要面對現實，有人可以並肩作戰，互相扶持，總好過孤軍作戰．內心的無助，又有誰可了解呢，有否記得當你結婚時（無論何種宗教）都曾許下諾言：冇論富貴，貧窮，疾病都要共同面對呢．

我認為“不離不棄”是做夫妻的最大信條，無論什麼原因，都要並肩，共同面對，所有藉口都只是藉口，抛下伴侶去面對困難，這算那門子的夫妻，要不得，要不得．

有冇想過有人同你說什麼話你會最感動呢？

如果是有人同我說：執子之手，與子偕老．我一定會抛下一切，與他水裏去，火裏去．

但這是幻想中的我，真實的我是非常自律，對與錯的分界綫非常清楚，知道什麼應做，什麼不應做．外間的誘惑對我起不了作用，我並不是單一的身份，我有我在世間的責任，而且都是一生一世的，斷不能牽一髮動了全身．為了一個他而賠上一個家，犯不着，犯不着．

但老實講，這八個字的咒語對我的吸引力是非常大，若果真的出現，內心必有一番鬦爭．

以前起身便要快Ｄ快Ｄ返學，放學後才去返工，最近離開咗讀咗幾年的學校，日日無所事事，晨咁早返到公司，最慘是唔覺得須要咁早返到公司，習慣了早起，又唔習慣瞓到夠鐘先起身．

返學返了幾年，由無知變成有經驗的學生，這間學校無咩好處，就是時間好，每天８：００ＡＭ－９：３０ＡＭ，在不影響工作的情況下，又可增進知識，浸吓浸吓又一年，已經讀到老師每年開學前會問今年想讀邊本書呀？時間表想点編呀？厲害呢！

新來的老師不知學生是老手，時時教錯嘢，唔識的學生會比佢害死，你知啦,成年學生一入咗腦就好難更正返個腦架嘛！初初都會糾正老師，後來都化了，錯啦，錯啦，錯得多便會啱架啦．有Ｄ老師你真是可以見到佢進步，但有Ｄ就．．．．

你有冇見過Ｄ老師教ＯＲＡＬ，自己唔講，又不用學生講，堂堂只是開機聽碟，聽碟我自己唔識聽，要返學校聽．隻碟錯咗，同本書唔夾又唔知，真是千奇百怪．總之香港學生常犯發音錯誤，她全部犯哂，正一是反面教材．

不過我們可以從錯誤中學習，老師錯過既我哋唔好錯咪得囉，咁既學習方式都幾新奇有趣．

不過話得說回來，在這間學校真是學到不少，起碼自信心都増加不少．自己唔叻啫，但你錯咗我知架！唔洗樣樣比人“呃”哂．

臨走時同老師講，我是會回校的，當我發覺學了的東西忘記得七七八八，我就會回校再讀的了．不過學校冇咗我們這一班老學生，睇怕都好難經營落去．

最難捨的是同學，同窗幾年，可能大家都是放學便趕返工，又冇課後活動，所以冇是非，大家關係良好，通電話都只是問功課，但在堂上就溝通得好好，一個眼神便知老師又講錯啦．

不過大家明白天下無不散之筵席，他朝有緣定能再聚．（別忘了每年一次的約會啊！）

唔知有冇其他的學校有咁正既返學時間呢？如果有的話，請通知一聲！