Blueberry

有另一位病人，也是有工人服侍的，她的燕窩是燉好了放在醫院

的雪柜，每天叮熱吃的．她的工人本來每天是吃麵包的，後來知

道可以給工人吃醫院的飯菜後，她便連麵包錢都剩下了．

但這病人不是糖尿病病人，所以這她的工人便沒甜點吃了，因為

這病人自己吃了．

在十多年前（年紀大了，離不開想當年），微波爐尚未十分流行，家中新購入

了一部，便依照它的ｒｅｃｉｐｅ，泡制燉蛋．你可能會問燉蛋都得？微波爐食譜話得．

依足指示: step 1, step 2……..預備好後.放入微波爐,較啱時間,等多幾分鐘,便可有2碗香滑燉蛋吃了,(食譜是這樣說的.)在等的時候,最好就是把剛才用過的東西洗乾淨,再享用燉蛋,未洗完,己聽到”叮”一聲.

嘩!得啦!食得啦!食得啦!

未開爐己聞到蛋香,原來微波爐真係咁方便,煮食白痴都可成大厨.打開爐: 燈!燈!燈!櫈!   咪住!…….点解個碗空ο既,但爐頂有兩件圓形黃色物體,……個碗就乾淨到照得見人,發生什麼事，相信大家都估到了, 是燉蛋”原件”彈了上爐頂.我是想喊的,但忍唔住笑到肚痛,眼淚都出埋.第一次微波爐煮食便失敗了,後來再看清楚食譜,冇錯到,又冇漏到,咁究竟什麼問題呢?

後來參考其它微波爐食譜才發覺是該食譜漏了一句: 包上保鮮紙才放入微波爐.

咁我的第一次就咁就失敗了.

15:07:18　　2005-12-02

醫院是社會的縮影，有些東西唔講你唔知，但講了你都未必會信．

有些人需然住公立醫院的大房，但家中是十分富貴的．

話說有一個病人，她是長期病患者，她有一個工人貼身服侍她的

，當然她不會吃醫院的飯菜了，她只要每天吩咐工人明天想吃什

麼，工人便會預備好帶給她吃的，如果飯菜凍了，她的工人是可

以用醫院的微波爐叮熱食物的．你估她的工人是吃什麼？是吃．

．．．．醫院給該病人的飯菜(該病人是糖尿病人，飯菜是特別泡

制，更加冇味的）．

有時醫院的茶点是啫哩ｏｒ糖水，醫院也會給一份給該工人享用，

須然她的主人是糖尿病患者，不會被給予甜食．

2005-12-0116:19:56

今日講下瑪麗醫院（９８年）的飲食事件，係人都知醫院的食物

無黎味道，又冇新意．有些病人有家人送飯，就一定唔會食醫院

的飯，但有些病人是長期病患者，久病床前無孝子，而且家人都

要揾食是可以理解的．咁只好食醫院的飯，但又冇味道，咁点辦

呢？有一個醫院常客（ＭＳ　Ａ），她自己是可以行走的，她就

有辦法了，知否醫院內有”大 x x”快餐店呢？她會去偷”美極”

（這是真人真事，但小孩子／大人都別學）只要小心Ｄ，是一定

可以成功的，她很大方的，每有病人感到食物冇味，她就會拿出

”美極”借予人享用，在此情此景，大家對她一定感激不盡，當

然這些人都不知道背後的故事．當她出院，”美極”就會去了垃

圾桶了．當　ＭＳ　Ａ　回來，她再去”大 x x”一次就可以了．

多年前，家中因有人患病，住瑪麗醫院超過半年，我便成為醫院

常客，一天兩次探訪，看盡醫院的光怪陸離．

首先是醫院的温度，估計應是２１ｏｒ２２度左右，嘩！舒服到痺，

夏天從室外３０幾度入到去，簡直是透心涼，好似過冷河咁，但半

小時後，就會涼，咁我一定有件冷氣衫傍身ο既，再過多半小時，都

係頂唔順，我咪放多一件褸（冇錯係一件褸）仲要唔好咁薄在醫院備

用，咪以為咁就可以留幾耐都冇問題，至多２小時，就要揾個藉口出

去室外走走ｏｒ飲杯熱飲．你可以話我身體弱，但如果你試過留在醫

幾小時，就知道我冇誇大．

=”#990066″ size=”4″>如果你要留在醫院陪人過夜，晚上過了１２点，就算著了大褸ｏｒ羽絨，睡

在病房外的長櫈都會凍到牙關打戰（醫院病房內，外人不可留宿，但病房外

就可以），如果呀嬏好人，會比一ｏｒ兩張毛毯給你，咁就冇咁難受，但都唔

容易捱到天光架．（你咪問點解咁凍都要留在醫院過夜，因為要隨時要急

ｃａｌｌ家人到醫院,你明架啦).所以家人通常都會輪夜,一人一晚,因為冇人可

以晚晚直落的.

但是好奇怪，天一光，氣温就好似易接受好多了．

咪以為醫院夜晚會好靜局,分分鐘仲熱鬧過日間,唔知点解晚上特別多人需要急

救,尤其是四,五点,個alarm 一响,就成team 人衝入黎,攪完一輪,將病人推走，如果

瞓醒覺,隔離床位空咗,你就知發生了什麼事,(當然是有人可以再被推番入黎的),

所以無輪病人or 家人留在醫院耐了,個人都會好down的．

好彩咁耐晚上都冇見過人眼唔應該見到ο既野．

ＰＳ：以上的事發生在９８年，現在情況可能已經不同了．

多年前，我很喜歡風水，當然都知道一些風水故事.

話說有一位朋友Ｍs Yu,她的哥哥Mr Yu（當時３５歲） 無意中認識了一位風水大師,該大師( 且稱他為A君吧)因為某種原因已退出江湖,不再用風水技倆賺錢了,卻經常贈幾句給朋友,朋友間經常得到他的指引,常可大事化小,有驚無險地化險為夷.

某次又機綠巧合地跟Mr Yu去拜他父親的山,發覺該山墳奇特,他可能是技癢,問了Mr Yu幾個問題,

包括:你父親幾歲死?

答: 四十出頭.  

又問: 你祖父幾歲死? 

答: 也是四十出頭.(Mr Yu 的叔父也有去拜山,此問題 由Mr Yu  的 uncle 答),曾祖也好似是早死的.

A 君: 初看此山墳已覺奇怪,其佈局主長房(即大仔)壯年早逝,但若果是上祖也是壯年早逝,咁一定是 你 們的祖墳也有一些影響後人的佈局了.

Uucle:咁有冇得解救呢?大師.

Ｕncle都是一個好人,需然只影響長房,但都要求大師想想辦法.

A君: 在此我可以做些功夫,試吓打救一吓此山墳的長房(即Mr Yu),但你們歴代如此,可能是你們的祖墳有強大的佈局,會影響幾代,　咁就唔喺在此可以解到,一定要睇吓你們的祖墳才可知有冇得救.

咁大師就幫ＭｒＹｕ　的父親的墳做了些改動，又跟Ｕncle Yu  and Mr Yu 回鄉看祖墳，一看之下，發覺山墳有唔妥，應是被人做了手腳，咁就當然做了很多功夫，（當中包含各種專業技倆，恕不細朮）．（Ａ君一毫子都冇收過）

Ａ君：可以做的，都做了，希望惡運可以解除，因為有時設局的人道行深，又或者個局已經設了很久，解救未必可以生效，又或者可以即時生效的，也要睇吓後人的因果，咁多多行善，對因果一定有正面的幫助．

事情就咁就告一段落先．

當時Ｍｒ　Ｙｕ　的事業漸上軌道，有一個很要好的女朋友，其間，他買了第一駕車，其電腦插出的車牌竟然是：ｘｘ４４１４，如此車牌，一定就唔要啦！

１．如果你是ＭｒＹｕ，你會點做？　有人建議ＭｒＹｕ快ｄ結婚留後．

２．如果你是ＭｒＹｕ　的女朋友，你又會點做呢？

故事由Ｍｓ　Ｙｕ開始是因為我真喺識其人，而且是真有其事，並非虛構．當時她非常擔心，到今天她的哥哥應該都未有４４歲，因為我和Ｍｓ　Ｙｕ已經少有來往，所以故事的後部我不清楚．

風水有人信，有人唔信，咁你信唔信呢？

今日去Ｂｉｋｒａｍ　上堂，本來想上６：４５ａｍ，但６：４０　才到，原本可改上７：１５，咁就唔使遲到了，（平日我經常如此）但想深一層，星期一的７：１５堂通常很少人上的，唔！我唔想有私人貼身教練，因為我有時都想偷下懶，唔想做得咁足，遲就遲Ｄ啦．後來知道　７：１５只有一個人上堂，嘩！好彩我冇上啫．

返到公司，睇吓幾点，才發現手錶唔見了，一定是漏了在Ｓｔｕｄｉｏ，打電話去Ｂｉｋｒａｍ問点做才好，他們説要親身回中心填表報失才可幫我找，你有時間才過來辦吧，（咁唔認真處理我的ｃａｓｅ，睇怕揾返隻錶的機會都好渺茫），我問有冇人執到錶呀？他們說未有．　清潔的人都冇執到，咁我隻錶咪凍過水，會唔會有人執到都唔出聲呢？又會唔會是我將隻錶連同毛巾一同丢入汚衣袋呢？咁都係快Ｄ返去，希望可以要求他們幫我／我自已在髒毛巾堆裏找找，否則我隻錶連同毛巾去到洗衣店，咁就揾番都．．．．．在我心目中可以揾番隻錶的機會不多於１０％，我都打定輸數，但都唔可以話什麼都唔做就話實揾唔到架．

返去Ｂｉｋｒａｍ途中已向專家（親友）請教過點形容我隻錶，到了中心我話：我剛才打過電話來話今早上６：１５堂時漏了隻錶．．．．．（未講完）．他們問：你是否可以形容吓你隻錶呢？咁我咪一五一拾咁背一次專家敎我講果幾句說話囉，說時遲那時快，他們己從一個小的首飾箱（有鎖）內拿了我隻錶出來問：看看是否這一隻？　　嘩！久別重逢，果然是別來無恙喎！

當然填表報失及薟收都不可免，但隻錶就返回我的手上了．所以有時咪話多數唔得就放棄，唔試點知實唔得喎！

隻錶不珍貴在價錢，而珍貴在是別人送的，不見了可能要買返一隻頂檔，咁就大鑊啦！

我成日咁大頭蝦，就黎可以開蝦檔了！